2024 წლის 17-19 იანვარს, Publica-ში (ლადო გუდიაშვილის ქ. #18), გაიმართა DemTech – დემოკრატიული ტექნოლოგიების ჰაკათონი, რომელიც ჩატარდა Loialte 4SME-ის მხარდაჭერით. ჰაკათონის მიზანი იყო ტექნოლოგიების გამოყენება დემოკრატიული მოძრაობების მხარდასაჭერად, დემოკრატიის გამოწვევების იდენტიფიცირება და ინოვაციური ტექნოლოგიური გადაწყვეტილებების შექმნა სამოქალაქო თავისუფლებების დასაცავად და გასაძლიერებლად.
ჰაკათონის ფარგლებში განხილული ძირითადი მიმართულებები:
- Onsite Protest + AI:
• უსაფრთხოების უზრუნველყოფის ინოვაციური მეთოდები
• პროტესტის მონაწილეებისთვის სწრაფი და უსაფრთხო კომუნიკაციის ინსტრუმენტები - Online Protest + AI:
• დეზინფორმაციასთან ბრძოლის ტექნოლოგიური საშუალებები
• ახალი ამბების გავრცელების ინოვაციური მიდგომები
• ამომრჩეველთა განათლების ხელშემწყობი ტექნოლოგიური პროდუქტები - Gamifications & Chatbots:
• ინტერაქტიული თამაშები პროტესტის სიმულაციისთვის
• ჩატბოტები ცრუ ინფორმაციის ამოსაცნობად
• დემოკრატიული პროცესების სწავლის ინოვაციური ხერხები - თავისუფალი მიმართულება:
მონაწილეებს ჰქონდათ შესაძლებლობა თვითონ შეეთავაზებინათ დემოკრატიული ტექნოლოგიების ახალი იდეები და ამ მიმართულებებზე ემუშავათ ჰაკათონის ფარგლებში.
ვინ მიიღო მონაწილეობა?
ჰაკათონში მონაწილეობა შეძლეს სხვადასხვა პროფესიის წარმომადგენლებმა, რომელთაც დემოკრატიული პროცესების გამჭვირვალობისა და ეფექტიანობის ხელშეწყობა ინოვაციური ტექნოლოგიების დახმარებით სურდათ:
- სამოქალაქო აქტივისტები
- კომუნიკაციის სპეციალისტები
- ჟურნალისტები და მედიის წარმომადგენლები
- მონაცემთა მეცნიერები და ანალიტიკოსები
- UX/UI დიზაინერები
- პროგრამული უზრუნველყოფის დეველოპერები
- მკვლევარები
ჰაკათონის შედეგები:
ღონისძიებამ ხელი შეუწყო დემოკრატიული პროცესების მხარდაჭერისა და ტექნოლოგიური ინოვაციების განვითარებას. მონაწილეებმა წარმოადგინეს პრაქტიკული გადაწყვეტები, რომლებიც დაეხმარება საზოგადოებას დემოკრატიული უფლებებისა და სამოქალაქო თავისუფლებების დაცვის კუთხით.
Loialte 4SME-ის მხარდაჭერამ მნიშვნელოვანი როლი ითამაშა ჰაკათონის წარმატებაში, რაც კიდევ ერთხელ ადასტურებს კომპანიების მზადყოფნას ხელი შეუწყონ ინოვაციებს, ტექნოლოგიების განვითარებას და დემოკრატიული ღირებულებების განმტკიცებას.
