2024 წლის 29 ნოემბერს, გაიმართა Loialte 4SME-ს მიერ ორგანიზებული საინფორმაციო შეხვედრა თემაზე: „თანადაფინანსების შესაძლებლობები მცირე და საშუალო ბიზნესისთვის“. ღონისძიება ერთსაათიან სესიას მოიცავდა და მიზნად ისახავდა მცირე და საშუალო ბიზნესის წარმომადგენლების ინფორმირებას მიმდინარე თანადაფინანსების პროგრამების შესახებ.
შეხვედრაზე განხილული იქნა შემდეგი მნიშვნელოვანი საკითხები:
- მიმდინარე თანადაფინანსების პროგრამები: მონაწილეებს მიეწოდათ ამომწურავი ინფორმაცია არსებული დაფინანსების შესაძლებლობების შესახებ, რომლებიც მიზნად ისახავს ბიზნესის ზრდისა და განვითარებისთვის საჭირო ფინანსური მხარდაჭერის გაწევას.
- პროგრამებში მონაწილეობის კრიტერიუმები: დამსწრეებს განემარტათ, თუ რა მოთხოვნები უნდა დააკმაყოფილონ ბიზნესებმა თანადაფინანსების პროგრამებში ჩასართავად.
- განაცხადის პროცედურები და ეტაპები: განხილული იქნა პროგრამების ფარგლებში განაცხადის წარდგენისა და დაფინანსების მისაღებად საჭირო ეტაპები.
- პრაქტიკული რჩევები: შეხვედრის ფარგლებში, პროექტის მენეჯერებმა გაუზიარეს პრაქტიკული გამოცდილება, გააკეთეს რეკომენდაციები და უპასუხეს მონაწილეთა შეკითხვებს თანადაფინანსების პროცესთან დაკავშირებით.
შეხვედრა ეფექტური პლატფორმა აღმოჩნდა მცირე და საშუალო ბიზნესის წარმომადგენლებისთვის, რომელთაც შესაძლებლობა ჰქონდათ გაეცნოთ ფინანსური მხარდაჭერის მიღების გზებს და მიიღოთ პრაქტიკული ცოდნა პროგრამებში წარმატებული მონაწილეობის უზრუნველსაყოფად. ღონისძიებამ ხელი შეუწყო ბიზნეს სექტორში ცნობიერების ამაღლებასა და დაფინანსების ხელმისაწვდომობის ზრდას.
