საქართველოს ფერმერთა ასოციაცია აცხადებს საგრანტო კონკურსს

საქართველოს ფერმერთა ასოციაცია აცხადებს საგრანტო კონკურსს მესაქონლეობის (მერძევეობის) და მეფუტკრეობის დარგში არსებული მცირე და საშუალო ზომის ფერმერული მეურნეობების განვითარების მიზნით შემდეგი მიმართულებებით:

• მცირე და საშუალო ზომის პირველადი მწარმოებლებისთვის
• მცირე და საშუალო ზომის შემგროვებლების, დისტრიბუტორებისა და საწარმოებისთვის
• მცირე და საშუალო ზომის გადამამუშავებელი საწარმოებისთვის

შერჩევის პროცესი:
საქართველოს ფერმერთა ასოციაცია შეარჩევს:

• 70 მცირე და საშუალო ზომის პირველადი მწარმოებელი
• 16 მცირე და საშუალო ზომის შემგროვებელი, დისტრიბუტორი და საწარმო
• 4 მცირე და საშუალო ზომის გადამამუშავებელი საწარმო

სამიზნე რეგიონები:
კახეთი, იმერეთი, გურია, რაჭა-ლეჩხუმი და ქვემო სვანეთი

განაცხადის წარდგენის ბოლო ვადა: 3 მარტი, 2025 წელი

საინფორმაციო შეხვედრები გაიმართება შემდეგ მისამართებზე:

• 7 თებერვალი – თელავი, სასტუმრო Holiday Inn (ნინოშვილის ქ. #5), 13:00 საათი
• 11 თებერვალი – ქუთაისი, საქართველოს ფერმერთა ასოციაციის ოფისი (რუსთაველის ქ. #46), 14:00 საათი
• 12 თებერვალი – ამბროლაური, აგრობიზნეს ცენტრი (აღმაშენებლის ქ. #24), 13:00 საათი
• 13 თებერვალი – ოზურგეთი, ოზურგეთის ტექნოპარკი (ნინოშვილის ქ. #5), 13:00 საათი

საგრანტო კონკურსის შესახებ დეტალური ინფორმაციის მისაღებად იხილეთ ბმულები:

• საგრანტო კონკურსი პირველადი მწარმოებლებისთვის
• საგრანტო კონკურსი შემგროვებლებისთვის, დისტრიბუტორებისა და საწარმოებისთვის
• საგრანტო კონკურსი გადამამუშავებელი საწარმოებისთვის

პროექტის შესახებ:
„გაზრდილი სასოფლო-სამეურნეო პრაქტიკა და მომხმარებელთა ცნობიერება (CAPCA)” არის სამწლიანი (2023-2025) პროექტი, რომელიც დაფინანსებულია ევროკავშირის „სოფლის მეურნეობისა და სოფლის განვითარების ევროპის სამეზობლო პროგრამის“ (ENPARD IV) ფარგლებში. პროექტი ხორციელდება საქართველოს ფერმერთა ასოციაციის მიერ საქართველოს სტრატეგიული კვლევებისა და განვითარების ცენტრთან (CSRDG) და საქართველოს მთიანი რეგიონების ამბროლაურის რაიონის ფერმერ-მეფუტკრეთა ასოციაციასთან თანამშრომლობით.