SMEDA-ს ორგანიზებითა და Loialté-ს სპონსორობით, 29 თებერვალს სასტუმრო „ლე მერიდიენში“ გაიმართა მასშტაბური ბიზნესფორუმი, რომლის თემა იყო საგადასახადო საკითხები და მასთან დაკავშირებული გამოწვევები.
ბიზნესფორუმი უკვე ტრადიციულად ჩატარდა საქართველოს ბანკი ბიზნესი • Bank of Georgia Business-ისა და Loialté • ლოიალტე-ს მხარდაჭერით.
ღონისძიებას 150-ზე მეტი მცირე და საშუალო ბიზნესის წარმომადგენელი დაესწრო. ფორუმზე პრაქტიკოსმა და მაღალკვალიფიციურმა საგადასახადო ექსპერტებმა განიხილეს შემდეგი მეთოდური მითითებები:
- პირის საგადასახადო ვალდებულების არაპირდაპირი მეთოდით განსაზღვრის შესახებ მეთოდური მითითება
- დებიტორული, მათ შორის უიმედო ვალად აღიარებული, და კრედიტორული დავალიანების ნაშთების დაბეგვრის შესახებ მეთოდური მითითება
- სალაროში ნაღდი ფულის შესახებ მეთოდური მითითება
- საგადასახადო ვალდებულების განსაზღვრის მიზნით არაარსებითი ეკონომიკური გავლენის მქონე სამეურნეო ოპერაციის შესახებ მეთოდური მითითება
- სამეურნეო ოპერაციის კვალიფიკაციის ცვლილების შესახებ მეთოდური მითითება
ასევე, მომხსენებლებმა მიმოიხილეს 2024 წლის 1 იანვრიდან ამოქმედებული საგადასახადო ცვლილებები.
თემის აქტუალობიდან გამომდინარე, ფორუმზე ასევე განხილულ იქნა მონაცემთა დაცვის შესახებ კანონმდებლობაში შესული ცვლილებები და ბიზნესისთვის მასთან დაკავშირებული გამოწვევები.
SMEDA მალე კვლავ შემოგთავაზებთ მცირე და საშუალო მეწარმეებისთვის მხარდამჭერ და საინტერესო აქტივობებს.
