ფინანსურ მრჩეველთა პროექტის წარდგენა — თანამშრომლობა ინოვაციური დაფინანსებისთვის
2024 წლის 27 სექტემბერს გაიმართა USAID-ის ფინანსური ინოვაციების პროგრამის ფარგლებში დაგეგმილი ფინანსურ მრჩეველთა პროექტის ოფიციალური წარდგენა, რომელიც მიზნად ისახავდა ყურადღების გამახვილებას ფინანსებზე ხელმისაწვდომობის გაუმჯობესებაზე — როგორც მნიშვნელოვანი წინაპირობისა მცირე და საშუალო ბიზნესების მდგრადი განვითარებისთვის.
ღონისძიებაში ფინანსური მრჩევლის სტატუსით მონაწილეობა მიიღო Loialté-მ. კომპანიის მმართველმა პარტნიორმა, გიგა ფაიქიძემ, დამსწრე აუდიტორიას გააცნო Loialté-ს საკონსულტაციო სერვისები, რომლებიც მიზნად ისახავს ფინანსური მოდელირების, დაფინანსების მოძიების და ფინანსური სტრატეგიის ფორმირების მხარდაჭერას.
წარდგენის სესიის დასრულების შემდეგ გაიმართა B2B შეხვედრები, რომელთა ფარგლებში ღონისძიების მონაწილეებს შესაძლებლობა მიეცათ პირადად გასაუბრებოდნენ ფინანსურ მრჩევლებსა და საკონსულტაციო კომპანიების წარმომადგენლებს. ეს ფორმატი ხელს უწყობდა მიზნობრივი საკითხების უფრო ღრმა განხილვას და კონკრეტული საჭიროებების იდენტიფიცირებას უშუალოდ დაინტერესებულ კომპანიებთან.
Loialté მუდმივად მონაწილეობს იმ ინიციატივებში, რომლებიც ხელს უწყობს მცირე და საშუალო ბიზნესებისთვის ფინანსურ რესურსებზე წვდომის გაზრდას და ეფექტური განვითარების მექანიზმების ჩამოყალიბებას.
USAID Financial Innovation Program-ს მადლობას ვუხდით პროფესიული თანამშრომლობისთვის და ბიზნესებისთვის ღირებული პლატფორმის შექმნისთვის.
