FinTech & Banking Forum 2024 — საერთაშორისო თანამშრომლობა და ინოვაცია უზბეკეთში
Loialté Uzbekistan-ის ორგანიზებით, ტაშკენტში გაიმართა საერთაშორისო ბიზნესფორუმი FinTech & Banking Forum 2024, რომელიც სრულად დაეთმო ფინანსურ ტექნოლოგიებს, კიბერუსაფრთხოებასა და საბანკო სექტორის ინოვაციურ განვითარებას. ღონისძიებაში მონაწილეობა მიიღეს ექსპერტებმა და კომპანიებმა რეგიონის სხვადასხვა ქვეყნიდან.
ძირითადი თემები მოიცავდა კიბერუსაფრთხოების სტრატეგიებს, ფინანსური ტექნოლოგიების ტრენდებს და საბანკო სექტორის როლს ციფრულ ეკონომიკაში.
Loialté Uzbekistan-მა უზრუნველყო ქართული გამოცდილების ინტეგრაცია ფორუმში — მოწვეულმა ექსპერტებმა წარადგინეს საქართველოში მოქმედი ინოვაციური პრაქტიკა და ტექნოლოგიური გადაწყვეტილებები, რაც აქტუალურია რეგიონის მასშტაბით. ფორუმის ფარგლებში გაფორმდა ურთიერთთანამშრომლობის მემორანდუმი Loialté Uzbekistan-სა და Fintech ასოციაცია უზბეკეთს შორის. შეთანხმება გულისხმობს ერთობლივი პროექტების დაგეგმვასა და განხორციელებას ფინანსური ტექნოლოგიების განვითარების კუთხით, როგორც უზბეკეთში, ისე საქართველოში.
Loialté Uzbekistan წარმოადგენს Loialté Global-ის ქსელის წევრ კომპანიას და აქტიურად არის წარმოდგენილი უზბეკეთის ბაზარზე როგორც აუდიტორული, საკონსულტაციო და საგანმანათლებლო მომსახურების მიმწოდებელი. კომპანია დღეისათვის ემსახურება ასობით ადგილობრივ და საერთაშორისო კლიენტს და განაგრძობს განვითარებას მაღალი ხარისხის პროფესიული მხარდაჭერის მეშვეობით.
