რას მოიცავს ინვენტარიზაციის მომსახურება?

ინვენტარიზაციის მიზანია განისაზღვროს აქტივების რაოდენობა, მოცულობა, მდგომარეობა და გადამოწმდეს აღრიცხვიანობის სიზუსტე.
ინვენტარიზაციის ჩატარება მიზანშეწონილია იმ შემთხვევაში, როცა:

• არსებობს ეჭვი ბუღალტრულ და ფაქტობრივ ნაშთებს შორის შეუსაბამობაზე;
• ხორციელდება ქონების ყიდვა, გაყიდვა ან გაქირავება;
• იცვლება სასაქონლო მატერიალურ მარაგებსა და ძირითად საშუალებებზე მატერიალურად პასუხისმგებელი პირი;
• აღმოჩენილია დანაკლისი ან ზედმეტობა;
• კომპანიაში ხდება რეორგანიზაცია ან ლიკვიდაცია.

ასევე, რეკომენდებულია, რომ კომპანიაში გარკვეული ინტენსივობით გეგმიურად ჩატარდეს ინვენტარიზაცია, რათა მოხდეს ქონების დაკარგვა / დაზიანება / განადგურებასთან დაკავშირებული რისკების პრევენცია და მინიმიზება. გეგმიური ინვენტარიზაციების ინტენსივობა განისაზღვრება კომპანიის საქმიანობის, ზომის, შიდა კონტროლის სისტემების და სხვა მნიშვნელოვანი ფაქტორების გათვალისწინებით. 
ინვენტარიზაციის პროცესი მოიცავს:

• დაგეგმვას და საინვენტარიზაციო ჯგუფის შექმნას (პროცესში მონაწილეობას უნდა იღებდეს დამკვეთის წარმომადგენელიც);
• აქტივების/მარაგების დეტალური სიის გამოთხოვას/შედგენას დასახელების, რაოდენობის და ადგილმდებარეობის მითითებით;
• აქტივების/მარაგების აღწერას და ფაქტობრივი მონაცემების შედარებას ბუღალტრულ ჩანაწერებთან;
• შეუსაბამობების იდენტიფიცირებას და შესწორებას;
• საჭიროებისამებრ, ძირითადი საშუალებების დაჯგუფებას და დასურათებას;
• საჭიროებისამებრ, შტრიხკოდების მინიჭებას.

ინვენტარიზაციის პროცესის დასრულების შემდეგ დამკვეთი იღებს დეტალურ ანგარიშს, რომელშიც აღწერილია შესრულებული სამუშაოები, აღმოჩენილი შეუსაბამობები, ანალიზი მარაგების/ძირითადი საშუალებები მდგომარეობასთან დაკავშირებით, ასევე რეკომენდაციები მართვის სისტემების გაუმჯობესებისთვის.
დაგვიკავშირდით დღესვე და გაიგეთ მეტი იმ სარგებლის შესახებ, რასაც Loialte-სთან თანამშრომლობით მიიღებთ!