რას ვაკეთებთ

კრიზისი შესაძლოა იყოს მრავალგვარი და მრავალი მიზეზით გამოწვეული, თუმცა ნებისმიერ შემთხვეაში საჭიროებს სწრაფ და ეფექტურ რეაგირებას ორგანიზაციის მენეჯმენტის მხრიდან. Loialte გთავაზობთ კრიზისული სიტუაციების ფინანსურ მართვას, რაც გულისხმობს ფინანსური სტაბილურობის აღდგენას, რისკების მინიმიზაციას და კრიზისული სიტუაციიდან გამოსვლის სტრატეგიის შემუშავებას. 

ჩვენ ვეხმარებით ბიზნესებს შეინარჩუნონ ოპერაციული მდგრადობა კრიზისის პროცესში და უზრუნველყონ გრძელვადიანი წარმატება. მომსახურება მოიცავს:

• ფინანსური მდგომარეობის ანალიზი – კომპანიის ფინანსური მონაცემების სიღრმისეული კვლევა, ვალდებულებებისა და შემოსავლების სტრუქტურის შეფასება
• გადახდისუნარიანობის აღდგენა – დროებითი გადახდისუუნარობის მართვა და ვალდებულებების რესტრუქტურიზაციის გეგმების შემუშავება
• კრიზისული ბიუჯეტის შექმნა – ხარჯების ოპტიმიზაცია და ფინანსური რესურსების გადანაწილება კრიზისის მართვის პრიორიტეტებზე
• რისკების მენეჯმენტი – ფინანსური, სამართლებრივი და სტრატეგიული რისკების შეფასება და მინიმიზაციის მეთოდების გამოყენება
• კომპანიის ფულის ნაკადების მართვა – ლიკვიდობის მართვის სტრატეგიების დანერგვა და ფულადი ნაკადების სტაბილიზაცია
• კრიზისიდან გამოსვლის სტრატეგია – გრძელვადიანი გეგმების შემუშავება ბიზნესის ნორმალური ფუნქციონირების აღსადგენად

ჩვენი გუნდი მზად არის დაგეხმაროთ კრიზისული სიტუაციების ეფექტურ მართვაში, რათა თქვენი ბიზნესი გახდეს ძლიერი, სტაბილური და კონკურენტუნარიანი. ჩვენთან თანამშრომლობა ნიშნავს კრიზისისგან წარმატებულ გამოსავალს და მომავალზე ორიენტირებულ განვითარებას.

რა გამოგვარჩევს

• მრავალწლიანი გამოცდილება – ჩვენი გუნდი დაკომპლექტებულია პროფესიონალებისგან, რომელთაც აქვთ მუშაობის მრავალწლიანი გამოცდილება როგორც ადგილობრივ, ისე საერთაშორისო ბაზრებზე
• კვალიფიკაციის მაღალი დონე – ყველა ჩვენი ფინანსური ექსპერტი ფლობს წამყვანი აკადემიური ინსტიტუტების პროფესიული კვალიფიკაციებს. ასევე, მნიშვნელოვან ყურადღებას ვუთმობთ ჩვენი გუნდის წევრების გადამზადებას, რათა ჩვენი მომსახურება ყოველთვის პასუხობდეს ფინანსების სფეროში არსებულ ტენდენციებს და სიახლეებს
• ინოვაციური მიდგომა – ჩვენ ვიყენებთ უახლეს ფინანსურ ინსტრუმენტებსა და ტექნოლოგიებს, რათა შევძლოთ პროცესების ოპტიმიზაცია და ავტომატიზაცია, რაც თავის მხრივ უფრო ოპერატიულს და ხელმისაწვდომს ხდის მომსაუხრებას ჩვენი მომხმარებლებისთვის
• პერსონალიზებული სერვისი – თითოეულ კლიენტს ინდივიდუალურად ვუდგებით, რათა უზრუნველვყოთ მათი ბიზნესის უნიკალური საჭიროებების დაკმაყოფილება
• კონფიდენციალურობის უმაღლესი ხარისხი – ჩვენი გუნდი  უზრუნველყოფს მონაცემთა კონფიდენციალურობის დაცვას ადგილობრივი  კანონმდებლობის და საერთაშორისო სტანდარტების შესაბამისად
• საერთაშორისო პროექტების გამოცდილება – ჩვენს პორტფელში არის მიმდინარე თუ წარმატებით დასრულებული მრავალი პროექტი როგორც საქართველოში, ისე მსოფლიოს სხვადასხვა ქვეყანაში (მათ შორის ცენტრალური აზიისა და ახლო აღმოსავლეთის ქვეყნებში)

სარგებელი თქვენი ბიზნესისთვის

• ფინანსური სტაბილურობის აღდგენა და შენარჩუნება – კრიზისული სიტუაციების წარმატებული მართვა უპირველესად გულისხმობს კომპანიის ფინანსური კუთხით სტაბილიზაციას და ამ მდგომაროების შენარჩუნებას, რათა გაჩნდეს რესურსი კრიზისის სხვა მიმართულებებით გამკლავებისთვის
• ვალდებულებების მართვაში მხარდაჭერა – დავალიანებების შემცირება და გადახდისუნარიანობის გაუმჯობესება ბიზნესს კრიზისის დროს აძლევს ამოსუნთქვის საშუალებას
• ხარჯების ოპტიმიზაცია – კრიზისიული ბიუჯეტის შემუშავება დიდი გამოწვევაა, რადგან მნიშვნელოვანია ერთის მხრივ მნიშვნელოვანია ხარჯების მაქსიმალური ოპტიმიზაცია, ხოლო მეორე მხრივ არსებობს რისკი, რომ აღნიშნულ პროცესში სხვა კრიტიკული მიმართულებები დაზარალდეს, რაც არანაკლებ პრობლემებს შეუქმნის კომპანიის ფუნქციონირებას
• ოპერაციული მდგრადობის და ბიზნეს უწყვეტობის უზრუნველყოფა – გარდა ფინანსური სტაბილურიბისა, კრიზისის დროს კრიტიკულად მნიშნელოვანია შენარჩუნებული იქნას საოპერაციო პროცესი და საფრთხე არ შეექმნას ბიზნესის უწყვეტობას. ჩვენს გუნდს აღნიშნული მიმართულებით მუშაობის მდიდარი პრაქტიკა გააჩნია
• ბიზნესის რეპუტაციის შენარჩუნება – რეპუტაციულად დაზიანების რისკი რიგ შემთხვევაში არანაკლებ სახიფათოა, ვიდრე ფინანსურ მდგრადობასთან დაკავშირებული რისკები. Loialte-ს გუნდის ჩართულობით თქვენ შეძლებთ მინიმუმამდე შეამციროთ რეპუტაციული ზიანი კრიზისს დროს. 

ვის ვემსახურებით

მომსახურება განკუთვნილია სხვადასხვა ზომის და საქმიანობის ორგანიზაციებისთვის, მათ შორის:

• მცირე და საშუალო ბიზნესებისთვის – კრიზისული გამოწვევების წარმატებით დასაძლევად;
• ინვესტორებისთვის – კრიზისში მყოფი ბიზნესების პოტენციალის შესაფასებლად
• სამშენებლო დეველოპერული კომპანიებისთვის – ოპერაციული პროცესების სტაბილიზაციისა და გრძელვადიანი სტრატეგიების შემუშავებისთვის;
• საერთაშორისო კომპანიებისთვის – ფინანსური კრიზისის ლოკალური პირობების შესაბამისად მართვისთვის.

ჩვენი მიდგომა

• დიაგნოსტიკა – ჩვენ უზრუნველვყოფთ დამკვეთის ორგანიზაციული მიზნების შესწავლას, საჭიროებებისა  და გამოწვევების იდენტიფიცირებას
• დამკვეთზე მორგებული გეგმა – დამკვეთის ორგანიზაციული საჭიროებების და სპეციფიკის  შესაბამისად ვქმნით ფინანსური მართვის სტრატეგიას  და დეტალურ სამოქმედო გეგმას
• მომსახურების მაღალი ხარისხი – ჩვენ გთავაზობთ თანმიმდევრულ, პროფესიონალურ მომსახურებას, რომელსაც ენდობა მრავალი მცირე, საშუალო თუ მსხვილი ორგანიზაცია როგორც საქართველოში, ისე მის ფარგლებს გარეთ
• პარტნიორობა – ჩვენ ვხდებით თქვენი გუნდის სანდო პარტნიორი, რომელიც ორიენტირებულია კონკრეტული მიზნების მიღწევაზე
• გამჭვირვალობა და ეთიკური სტანდარტები – ჩვენი საქმიანობა ეფუძნება ნდობასა და პასუხისმგებლობას
• მომსახურების უწყვეტი გაუმჯობესება – ჩვენ მუდმივად ვიღებთ უკუკავშირებს მომხმარებლებისგან, ასევე ვახორციელებთ ჩვენს სფეროში მიმდინარე სიახლეებისა და ტენდენციების მონიტორინგს, რათა ჩვენი სერვისები კიდევ უფრო დახვეწილი და დამკვეთების საჭიროებებზე მორგებული გავხადოთ
• მუდმივი მხარდაჭერა და რეპორტინგი – რეგულარული მხარდაჭერა როგორც ექსპერტული რჩევების, ისე კონკრეტულ პროცესებში ჩართულობის სახით, ასევე დამკვეთისთვის  რეპორტინგის წარმოება სამუშაოების მიმდინარეობის შესახებ

დაგვიკავშირდით დღესვე და გაიგეთ მეტი იმ სარგებლის შესახებ, რასაც Loialte-სთან თანამშრომლობით მიიღებთ!