რას გულისხმობს Loialte-ს მთავარი ბუღალტრის მომსახურება 

• სააღრიცხვო პოლიტიკის განსაზღვრა/ოპტიმიზება – კომპანიის სპეციფიკის გათვალისწინებით ჩვენ ვაანალიზებთ და ოპტიმიზაციას ვუკეთებთ დამკვეთის მიერ ბუღალტრულ აღრიცხვაში გამოყენებულ შეფასებებსა და მიდგომებს, განვსაზღვრავთ  იმ პრინციპებს, წესებსა და მეთოდებს, რომლებსაც ორგანიზაცია იყენებს ბუღალტრული აღრიცხვისა და ფინანსური ანგარიშგების წარმოებისას.
• შესაბამისობა საერთაშორისო სტანდარტებთან – ვზრუნავთ, რომ ფინანსური აღრიცხვიანობა სრულად შეესაბამებოდეს ბუღალტრული აღრიცხვის ანგარიშგებისა და აუდიტის ზედამხედველობის სამსახურის (SARAS) მიერ განსაზღვრულ საერთაშორისო სტანდარტებსა და ადგილობრივ კანონმდებლობას.
• ბუღალტრული გუნდის ზედამხედველობა –  Loialte-ს მიერ გამოყოფილი მთავარი ბუღალტერი ხელმძღვანელობს კლიენტი კომპანიის ბუღალტრული განყოფილების თანამშრომლების საქმიანობას, უზრუნველყოფს პროცესების გამართულობას, აკონტროლებს სამუშაოების სათანადოდ შესრულებას და საჭიროების შემთხვევაში გასცემს რეკომენდაციებს სამუშაო პროცესის დახვეწისა და  ოპტიმიზაციისთვის.
• სამუშაო ინსტრუქციების შექმნა –  უზრუნველვყოფთ დამკვეთი კომპანიის  ბუღალტრული გუნდის თანამშრომლებისთვის დეტალური სამუშაო ინსტრუქციების შემუშავებას, რაც თავის მხრივ ყოველდღიური ოპერაციების სტანდარტიზებასა და ადამიანური შეცდომების დაშვების რისკებს ამცირებს. 
• ხარვეზების გამოვლენა და პრევენცია – ჩვენი მთავარი ბუღალტრის მიერ საქმიანობის პროცესში აღრიცხვიანობის ან სხვა ტიპის ნაკლოვანებების  იდენტიფიცირება ხდება დროულად, რაც დამკვეთი კომპანიის მენეჯმენტს ეხმარება დროულად მიიღოს ეფექტური ზომები ამ ხარვეზების აღმოფხვრისა და თანმდევი პოტენციური პრობლემების თავიდან არიდებისთვის.
• საგადასახადო რისკების კონტროლი – Loialte-ს მთავარი ბუღალტრის მიერ ხდება საგადასახადო პროცესების პერმანენტული კონტროლი, ნებისმიერი შესაძლო დარღვევის ან რისკის წინასწარ იდენტიფიცირების მიზნით. მუდმივი ანალიზი და მონიტორინგი საშუალებას გვაძლევს გატარდეს პრევენზიული ზომები პოტენციური ჯარიმებისა და ფინანსური ზიანის თავიდან ასაცილებლად.
• დეკლარაციები და ანგარიშგება –  Loialte-ს გუნდის პროფესიონალი მთავარი ბუღალტრები აკონტროლებენ მიმდინარე გადასახადების გადახდას, დეკლარაციების სიზუსტესა და დროულ წარდგენას შესაბამის ორგანოში. ასევე, აკონტროლებს ანგარიშგების სიზუსტესა და დროულობას სხვა შიდა თუ გარე მომხმარებლების მიმართ. 
• დებიტორული და კრედიტორული დავალიანებების მართვა – მთავარი ბუღალტერი აკონტროლებს და აანალიზებს დებიტორულ და კრედიტორულ დავალიანებებს, უზრუნველყოფს, რომ დროულად მოხდეს შედარებები მომწოდებლებსა და მყიდველებთან. დებიტორული და კრედიტორული დავალიანებების ეფექტურად მართვა კლიენტ კომპანიას ეხმარება ჯანსაღი ფინანსური მდგომარეობის შენარჩუნებაში. 
• ანგარიშგება მენეჯმენტთან –  Loialte-ს მთავარი ბუღალტერი ამზადებს ფინანსურ ანგარიშგებებს დამკვეთი კომპანიის მენეჯმენტისთვის, წინასწარ შეთანხმებული ფორმითა და ინტენსივობით. სტანდარტულად ფინანსური ანგარიშგებები ასახავენ კომპანიის საქმიანობის შედეგებს, ფინანსურ მდგომარეობას, ფულადი ნაკადების მოძრაობას და ცვლილებებს კაპიტალში. აღნიშნული კი კომპანიის ხელმძღვანელობას საშუალებას აძლევს ჰქონდეს სრულყოფილი და ზუსტი ინფორმაცია საოპერაციო თუ სტრატეგიული გადაწყვეტილებების მისაღებად.

დაგვიკავშირდით დღესვე და გაიგეთ მეტი იმ სარგებლის შესახებ, რასაც Loialte-სთან თანამშრომლობით მიიღებთ!