ვებ-გვერდი მუშაობს სატესტო რეჟიმში
მიმდინარე საგადასახადო დეკლარაციების აუდიტი
ბოლო წლების განმავლობაში შემოსავლების სამსახურმა გააძლიერა დეკლარაციების კონტროლის პროცედურები, შემცირდა პირდაპირ საგადასახადო შემოწმების დანიშვნის პრეცედენტები და გაიზარდა დეკლარაციის კონტროლის შედეგად შემოწმებაში გადაზრდილი შემთხვევების რაოდენობა. შემოსავლების სამსახურის აუდიტის დეპარტამენტის გეგმების შესაბამისად, რესურსის უდიდესი ნაწილი სწორედ დეკლარაციების კონტროლზე მოდის.
დეკლარაციების კონტროლის მომსახურება გულისხმობს, კლიენტის ვალდებულებების შესაბამისად ყველა საჭირო მიმდინარე დეკლარაციის აუდიტს.
რას ვაკეთებთ
- ყოველი საანგარიშო პერიოდის დასრულების შემდეგ, არაუგვიანეს დეკლარაციების წარდგენის სავადო თარიღისა (მაგალითად: ყოველთვიური დეკლარაციების შემთხვევაში – საანგარიშო თვის მომდევნო თვის 15 რიცხვისა, წლიური დეკლარაციების შემთხვევაში – საანგარიშო წლის მომდევნო წლის 31 მარტისა), მოწმდება საგადასახადო ორგანოში გადასაგზავნი დეკლარაციების/გაანგარიშებების საგადასახადო კანონმდებლობასთან შესაბამისობა
- მუშავდება შესაბამისი საანგარიშო პერიოდის საბანკო ამონაწერები, ასევე, შემოსავლების სამსახურის ელექტრონული სერვისების ვებ-გვერდზე (RS.GE) გადასახადის გადამხდელის შესახებ არსებული ყველა ინფორმაცია
- მოწმდება სააღრიცხვო დოკუმენტაცია და მათი ბუღალტრულ პროგრამაში ასახვის სისწორე
- წარსადგენად გამზადებულ დეკლარაციებში ასახული ინფორმაცია დარდება ბუღალტრულ პროგრამასა და სააღრიცხვო დოკუმენტებზე დაყრდნობით გაანგარიშებულ მონაცემებს და გამოვლენილი სხვაობების/უზუსტობების შესახებ ინფორმაცია მათი გასწორების/აღმოფხვრის მიზნით ეცნობება დამკვეთს
- მიმდინარე დეკლარაციების აუდიტის მომსახურებით სარგებლობისას, შემოსავლების სამსახურის მხრიდან კონტროლის მექანიზმის გამოყენების შემთხვევაში, ლოიალტეს გუნდი დაგეხმარებათ საგადასახადო ორგანოსთან სწორ კომუნიკაციაში, რათა მართოთ პროცესი ისე, რომ კონტროლის პროცედურა არ გადაიზარდოს საგადასახადო შემოწმებაში
რა გამოგვარჩევს
- Loialté-ში დაგხვდებიან გამოცდილი საგადასახადო აუდიტორები და კონსულტანტები, რომელთაც გააჩნიათ კერძო, ასევე საჯარო სექტორში (მათ შორის შემოსავლების სამსახურში) მრავალწლიანი მუშაობის გამოცდილება. ისინი აქტიურად ეცნობიან კანონმდებლობაში შესულ ცვლილებებს და მომსახურების პროცესში ითვალისწინებენ საგადასახადო ორგანოს პრაქტიკულ მიდგომებს
- თითოეულ კლიენტთან ვმუშაობთ ინდივიდუალურად, მათი კონკრეტული საჭიროებებისა და მიზნების გათვალისწინებით
- Loialté ფლობს ISO 9001:2015 სერტიფიკატს კონკრეტულად საგადასახადო აუდიტის მიმართულებით, რაც ნიშნავს, რომ ჩვენი მომსახურების ხარისხი საერთაშორისო მასშტაბითაა აღიარებული
- ჩვენ ვქმნით გრძელვადიან ურთიერთობებს კლიენტებთან, რაც ეფუძნება ნდობას, შედეგზე ორიენტაციას და მაღალი ხარისხის მომსახურებას
- ჩვენთან თქვენი სენსიტიური ინფორმაცია მაღალ დონეზე დაცული და მკაცრად კონფიდენციალურია
- Loialté-ს პროფესიული პასუხისმგებლობა საგადასახადო აუდიტის მიმართულებით დაზღვეულია წამყვანი სადაზღვევო კომპანიის მიერ
სარგებელი თქვენი ბიზნესისთვის
- საგადასახადო რისკებს შეამცირებთ/გაანეიტრალებთ მიმდინარე პერიოდშივე და თავიდან აირიდებთ ზედმეტ გადასახადებს ან/და ჯარიმებს
- თქვენი ბიზნესი ყოველთვის იქნება საგადასახადო კანონმდებლობასთან შესაბამისობაში
- ჩვენს რეკომენდაციებზე დაყრდნობით, შეძლებთ თქვენი საგადასახადო პოლიტიკის ოპტიმიზაციას
- ჩვენი საგადასახდო ექსპერტების მხარდაჭერით, შეძლებთ მეტი დრო დაუთმოთ ბიზნესის მართვას და სტრატეგიულ განვითარებას
ვის ვემსახურებით?
ჩვენ ვემსახურებით როგორც მცირე და საშუალო, ისე მსხვილ ბიზნესს, რომლებიც საჭიროებენ მაღალი ხარისხის საგადასახადო მხარდაჭერას. კერძოდ, ჩვენი მომსახურება განკუთვნილია:
- მცირე და საშუალო ბიზნესისთვის, რომლებიც საჭიროებენ ეფექტიან და ხელმისაწვდომ აუდიტორულ მომსახურებას და საგადასახადო ტვირთის შემცირებაზე ორიენტირებულ საგადასახადო პოლიტიკას
- მსხვილი ბიზნეს სუბიექტებისთვის, რომლებიც დაინტერესებულები არიან ეკონომიკური საქმიანობის პროცესში არსებული კომპლექსური სამეურნეო ოპერაციების სწორი და ოპტიმალური საგადასახადო დაბეგვრით
- საერთაშორისო კომპანიებისთვის, რომლებსაც სჭირდებათ ადგილობრივ საგადასახადო კანონმდებლობასთან შესაბამისობის უზრუნველყოფა
- არასამთავრობო ორგანიზაციებისთვის, რომლებსაც სურთ სწორად ისარგებლონ საგადასახადო შეღავათებით და მარტივად ადაპტირდნენ საგადასახადო კანონმდებლობაში შესულ ცვლილებებთან
ჩვენი მიდგომა
- ჩვენ ვართ ობიექტურები და დამოუკიდებლები, რათა უზრუნველვყოთ მიუკერძოებელი და სანდო დასკვნები/რეკომენდაციები
- თანამშრომლობის პროცესში თქვენგან მიღებული ნებისმიერი ფინანსური და საგადასახადო ინფორმაციის კონფიდენციალურობა უზრუნველყოფილია კომპანიის დახვეწილი პოლიტიკითა და პროცედურებით, რომელიც შესაბამისობაშია ISO სტანდარტებთან
- თქვენთვის გაწეული საგადასახადო მხარდაჭერა დამყარებულია მიღებული ინფორმაციის ანალიზსა და რისკზე დაფუძნებულ მსჯელობაზე
- ჩვენი საგადასახადო ექსპერტები მუდმივად ეცნობიან საგადასახადო კანონმდებლობაში შესულ ცვლილებებს და მათი ადაპტირების პროცედურებს, რათა უზრუნველვყოთ თქვენი ბიზნესის მდგრადობა და შესაბამისობა სამართლებრივ მოთხოვნებთან
Loialte-ს მომსახურება დაზღვეული სადაზღვევო კომპანია “ალდაგი”-ს რამდენიმე მილიონიანი სადაზღვევო პოლისით, რაც იმას ნიშნავს, რომ თუ კლიენტ კომპანიას Loialte-ს ბრალეულობით დაეკისრება ჯარიმა საგადასახადო ორგანოს მხრიდან, ჯარიმის თანხას აანაზღაურებს სადაზღვევო კომპანია.
დაგვიკავშირდით დღესვე და გაიგეთ მეტი იმ სარგებლის შესახებ, რასაც Loialté-სთან თანამშრომლობით მიიღებთ!