ვებ-გვერდი მუშაობს სატესტო რეჟიმში
ორგანიზაციული სტრუქტურის მოწყობა
რას ვაკეთებთ?
ორგანიზაციული სტრუქტურის მოწყობა გულისხმობს იმ სისტემის შექმნასა და განვითარებას, რომელიც განსაზღვრავს კომპანიის შიდა სტრუქტურას, როლებს, პასუხისმგებლობებს და კომუნიკაციის მექანიზმებს. მომსახურება მოიცავს:
- ორგანიზაციული მიზნების და საჭიროებების ანალიზი
- ამოცანების, ქვეამოცანების ჩამოყალიბება და შესაბამისად პრიორიტეტების განსაზღვრა
- ფუნქციების გადანაწილება მიმართულებებს შორის და დაჯგუფება
- დეპარტამენტების/სამსახურების ფუნქციებისა და მიზნების განსაზღვრა
- სამუშაო აღწერილობების მომზადება
- სტრუქტურული ჩარტის შექმნა
- სტრუქტურის აღწერის დეტალური დოკუმენტაციის მომზადება
- შემუშავებული ორგანიზაციული სტრუქტურის დამტკიცება (დოკუმენტის მომზადება
- დამტკიცებული ორგანიზაციული სტრუქტურის შესაბამისად საშტატო განრიგის შემუშავება.
- დამტკიცებული ორგანიზაციული სტრუქტურის შესახებ პრეზენტაციის მომზადება და გაცნობა როგორც ტოპ და საშუალო, ასევე დაბალი რგოლის თანამშრომლებისთვის
ორგანიზაციული სტრუქტურა განსაზღვრავს თანამშრომლების პასუხისმგებლობებს, უზრუნველყოფს სწორ სუბორდინაციის და ინფორმაციის მიმოცვლის პროცესს, გასაგებს ხდის ვინ უნდა იღებდეს გადაწყვეტილებებს სხვადასხვა სამუშაოების განხორციელებაზე და საბოლოო ჯამში ზრდის მოტივაციას და ეფექტურობას თანამშრომლებში.
რა გამოგვარჩევს
- ბიზნესზე ორიენტირებული HR მიდგომები – ჩვენს მიერ განსაზღვრული HR პროცესები ყოველთვის მიმართულია ბიზნესის ძირითადი მიზნების განხორციელებისკენ, რაც შედეგად განსაზღვრავს ჩვენი მომსახურების წარმატებას
- კომპლექსური მიდგომა – ჩვენი მიდგომა მოიაზრებს არა მხოლოდ შიდა სტრუქტურის ჩამოყალიბებას, არამედ კომპანიის მიზნების, საჭიროებების, ქვეამოცანების და ფუნქციების დეტალურ ანალიზსაც. მსგავსი მიდგომა დამკვეთს აძლევს მკაფიო ხედვას და კონტროლს პროცესებზე
- პრაქტიკული ნაბიჯების და ხელსაწყოების შეთავაზება – ჩვენ არ შემოვიფარგლებით მხოლოდ სტრატეგიული ანალიზით, არამედ გთავაზობთ რეალურ სამუშაო ინსტრუმენტებს, რაც სამუშაო პროცესის გაუმჯობესებაში გეხმარებათ
- ეფექტური კომუნიკაცია – ჩვენ უზრუნველვყოფთ როგორც მენეჯმენტთან, ასევე თითოეულ თანამშრომელთან სტრუქტურის შესახებ პრეზენტაციების, გაცნობის პროცედურების ორგანიზებას და ინდივიდუალურად კომუნიკაციის წარმოებას, რაც თანამშრომლებს ეხმარება გაიაზრონ საკუთარი როლი და ფუნქციები კომპანიის მიზნებთან მიმართებაში
- მოქნილობა მომსახურების პროცესში – დამკვეთ ორგანიზაციებს მომსახურებას ვუწევთ როგორც დისტანციურად, ისე ჰიბრიდულად, ხოლო საჭიროების შემთხვევაში შესაძლებელია Loialte-ს თანამშრომლის სრულად მივლინება კლიენტის სამუშაო ადგილას
- მომხმარებლებზე ზრუნვა – Loialte-სთან თანამშრომლობით კლიენტები იღებენ საუკეთესო სამომხმარებლო გამოცდილებას. ეს ჩვენი ერთ-ერთი მთავარი პრიორიტეტია
- საერთაშორისო პროექტების გამოცდილება – ჩვენს პორტფელში არის მიმდინარე თუ წარმატებით დასრულებული მრავალი პროექტი როგორც საქართველოში, ისე მსოფლიოს სხვადასხვა ქვეყანაში (მათ შორის ცენტრალური აზიისა და ახლო აღმოსავლეთის ქვეყნებში)
- მომსახურება მთელი საქართველოს მასშტაბით – საქართველოს რეგიონებში მუშაობა ჩვენი ერთ-ერთი პრიორიტეტია. Loialte 4 ფილიალით წარმოდგენილია თბილისსა და ბათუმში თუმცა პროექტებს ვახორციელებთ საქართველოს ყველა რეგიონში
სარგებელი თქვენი ბიზნესისთვის
- ხარჯების ოპტიმიზაცია – ორგანიზაციული სტრუქტურა გვეხმარება ადამიანური რესურსების სწორად დაგეგმვასა და ოპტიმიზაციაში, ხელს უწყობს კომპანიაში არ არსებობდეს დუბლირებული ფუნქციები
- მკაფიო პასუხისმგებლობის და როლების განსაზღვრა – ორგანიზაციული სტრუქტურა უზრუნველყოფს პასუხისმგებლობების და როლების მკაფიო გადანაწილებას
- ეფექტური კომუნიკაცია და კოორდინაცია – სტრუქტურა ქმნის ორგანიზაციის შიდა კომუნიკაციის მექანიზმებს, რაც საშუალებას აძლევს თანამშრომლებს, რომ მარტივად და ეფექტურად ჰქონდეთ კომუნიკაცია ერთმანეთთან, ასევე ხელს უწყობს სხვადასხვა დეპარტამენტებს შორის მარტივი კოორდინაციის
- რესურსების ეფექტურად მართვა – თანამშრომლებში პასუხისმგებლობის ამაღლება, მეტი დელეგირება შუა რგოლის მენეჯერებზე
- თანამშრომელთა შენარჩუნება – სწორად ჩამოყალიბებული ორგანიზაციული სტრუქტურა ხელს უწყობს ტალანტებისთვის კომპანიის შიგნით კარიერული განვითარების პროცესს, რაც გვეხმარება მათი მოტივირებასა და გრძელვადიანად შენარჩუნებაში
ვის ვემსახურებით?
მომსახურება განკუთვნილია სხვადასხვა ზომის და საქმიანობის ორგანიზაციებისთვის, მათ შორის:
- სტარტაპები – ახალგაზრდა კომპანიები, რომლებიც ზრდის ეტაპზე არიან და სურთ თავიდანვე შექმნან გამართული ორგანიზაციული სტრუქტურა
- მცირე და საშუალო ბიზნესები – რომლებსაც სჭირდებათ კვალიფიციური, მაღალი ხარისხის პროფესიული მხარდაჭერა და გამოცდილება სწორი ორგანიზაციული სტრუქტურის ჩამოყალიბებისთვის.
- მსხვილი კომპანიები – რომელთა შემთხვევაში ადამიანური რესურსების სწორ გადანაწილებას და ოპტიმიზაციას უდიდესი მნიშვნელობა აქვს
- საერთაშორისო ორგანიზაციები – რომლებსაც, ვთავაზობთ ადგილობრივი ბაზრის თავისებურებებზე მორგებულ HR მომსახურებას
- ტრანსფორმაციის პროცესში მყოფი კომპანიებისთვის: რეორგანიზაციის ან/და ნებისმიერი ცვლილების შემთხვევაში მყოფი ორგანიზაციები, რომლებსაც სჭირდებათ სტრუქტურის სწორად ჩამოყალიბება
ჩვენი მიდგომა
- დიაგნოსტიკა – ჩვენ უზრუნველვყოფთ დამკვეთის ორგანიზაციული მიზნების შესწავლას, საჭიროებებისა და გამოწვევების იდენტიფიცირებას
- მორგებული გეგმა – თქვენი ორგანიზაციული საჭიროებების და სპეციფიკის გათვალისწინებით ვქმნით ორგანიზაციულ მიზნებთან შესაბამის სტრუქტურას, პროცედურებს და იმპლემენტაციის დეტალურ სამოქმედო გეგმას
- პარტნიორობა – ჩვენ ვხდებით თქვენი გუნდის სანდო პარტნიორი, რომელიც ორიენტირებულია კონკრეტული მიზნების მიღწევაზე
- მომსახურების მაღალი ხარისხი – ჩვენ გთავაზობთ თანმიმდევრულ, პროფესიონალურ მომსახურებას, რომელსაც ენდობა მრავალი მცირე, საშუალო თუ მსხვილი ორგანიზაცია როგორც საქართველოში, ისე მის ფარგლებს გარეთ
- მომსახურების უწყვეტი გაუმჯობესება – ჩვენ მუდმივად ვიღებთ უკუკავშირებს მომხმარებლებისგან, ასევე ვახორციელებთ ჩვენს სფეროში მიმდინარე სიახლეებისა და ტენდენციების მონიტორინგს, რათა ჩვენი სერვისები კიდევ უფრო დახვეწილი და დამკვეთების საჭიროებებზე მორგებული გავხადოთ
*HR სერვისების მიწოდება მომხმარებლებისთვის Loialte უზრუნველყოფს შვილობილი HRM სააგენტო hiro/ჰირო-ს მეშვეობით.
დაგვიკავშირდით დღესვე და გაიგეთ მეტი იმ სარგებლის შესახებ, რასაც Loialte-სთან თანამშრომლობით მიიღებთ!