ვებ-გვერდი მუშაობს სატესტო რეჟიმში
სერვისები
სესხების და კაპიტალის მოზიდვაში მხარდაჭერა
რას ვაკეთებთ
კომპანიებს გნავითარებისთვის ხშირ შემთხვევაში საკუთარი ფინანსური რესურსები არ ჰყოფნითბ და სჭირდებათ თანხების გარე წყაროებიდან მობილიზება. ფინანსების მოზიდვის მრავალი განსხვავებული მეთოდი და პროდუქტი არსებობს, თუმცა სესხი და კაპიტალში ინვესტირება ყველაე გავრცელებული შემთხვევაა. Loialte გთავაზობთ დაფინანსების მოძიების პროცესში ჩართულობას და წარმომადგენლობას როგორც საფინანსო ინსტიტუტებთან, ასევე კერძო/ინსტიტუციურ ინვესტორებთან და ფონდებთან. მომსახურება მოიცავს:
- დამკვეთი კომპანიის საჭიროებების კვლევა – იმისთვის, რომ საფინანსო ინსტიტუტისგან თუ ინვესტორისგან დაფინანსება მოვითხოვოთ, აუცილებელია თავად გვესმოდეს საკუთარი საჭიროებების შესახებ. რაც უფრო კარგად ვიცით რა გვჭირდება, უფრო მყარი არგუმენტები გვაქვს მეორე მხარესთან საურთიერთოდ, თუმცა უპირველესად მაინც უფრო მნიშვნელოვანია განვსაზღვროთ რამდენად საჭიროებს ჩვენი კომპანია დამატებითი ფინანსების მოზიდვას ან სხვა ნებისმიერი საფინანსო პროდუქტით სარგებლობას
- დამკვეთს კომპანიის პროფილის მომზადება საინვესტიციოდ/სესხის მოსაზიდად – საფინანსო ინსტიტუტები, ასევე ინვესტორები და ფონდები გადაწყვეტილებებს უმეტესწილად იმ არსებული თუ პოტენციური რისკების გათვალისწინებით იღებენ, რომელიც დაკავშირებულია კლიენტ კომპანიასთან. რისკებს შეიძლება სხვაადსხვა ფაქტორები აჩენდეს, მათ შორის – კლიენტის მოუწესრიგებელი ბუღალტერია და ფინანსური მენეჯმენტი, გაუმართავი ბიზნეს მოდელი, სტარტეგიული დაგგემარების არ არსებობა, არაეფექტური ოპერაციები, ადამიანური რესურსის სიმწირე, ტექნოლოგიური განვითარების დაბალი დონე და ა.შ. რაც უფრო მაღალია რისკი, მით უფრო უარესდება პირობები საფინანსო პროდუქტებზე, ან უარეს შემთხვევაში საერთოდ უარეს გეუბნებიან დაფინანსებაზე. ყოველივე ზემოხსენებული რისკების გამოსარიცხად/შესამცირებლად ლოიალტეს გუნდი უზრუნველყოფს კომპანიის მომზადებას ისე, რომ მისი პროფილი აკმაყოფილებდეს საფინანსო ინსტიტუტების მიერ მოთხოვნილ სტანდარტებს და უზრუნველყოფდეს საფინანსო პროდუქტებზე საუკეთესო პირობების მიღებას.
- ადგილობრივ თუ საერთაშორისო საფინანსო ინსტიტუტებთან/ინვესტორებთან/ფონდებთან კომუნიკაცია და ფინანსურ რესურსებზე საუკეთესო პირობების მიღება – საფინანსო ინსტიტუტებთან, ასევე ინვესტორებთან და ფონდებთან ურთიერთობა სპეციფიური პროცესია და ამ პროცესის სწორად წარმართვაზე მნიშვნელოვნად არის დამოკიდებული ის შედეგები, რომელსაც კომპანია საბოლოოდ იღებს. ასევე, ხშირად კომპანიები დამოკიდებულნი ხდებიან მხოლოდ ერთი საფინანსო ინსტიტუტის შეთავაზებებზე, რაც მათ უხშობს შესაძლებლობას, რომ განიხილონ სხვა ორგანიზაციების შემოთავაზებები (რაც რიგ შემთხვევაში შესაძლოა უფრო კონკურენტული იყოს). Loialte-ს გამოცდილი ფინანსისტები კარგად იცნობენ ადგილობრივ და იმ საერთაშორისო დაფინანსების წყაროებს და შეუძლიათ მარტივად და ეფექტურად დაამყარონ მათთან ურთიერთობა საუკეთესო პირობების მოძიების მიზნით, ასევე შეუძლიათ ერთმანეთს შეადარონ შემოთავაზებული პროდუქტები და შემოგთავაზონ ექსპერტული რეკომენდაციები.
- სასესხო პროექტის მომზადება საფინანსო ინსტიტუტთან წარსადგენად და დაფინანსების პროცესის ადმინისტრირება – საფინანსო ინსტიტუტის/ინვესტორის/ფონდის მიერ დაფინანსება დაკავშირებულია კლიენტი კომპანიის სხვადასხვა მიმართულებით ანალიზთან, რასაც მთლიანობაში სასესხო პროექტს ვუწოდებთ (სადაც თავმოყრილია ინფორმაცია კლიენტის ფინანსების, უზრუნველყოფის, ბიზნეს გეგმის, სტარტეგიის და ა.შ. შესახებ). იმისთივს, რომ ურთიერთობა კომფორტული და შედეგიანი იყოს, მნიშვნელოვანია, რომ ბანკთან მოხდეს ხარისხიანი სასესხო პროექტის წარდგენა. Loialte-ს ფინანსისტები უზრუნველყოფენ ერთის მხრივ კომპანიის ფინანსური პროფილი განსაზღვრას და მეორეს მხრივ ყველა საჭირო დოკუმენტის მოგროვებას და დაფინანსების გამცემისთვის იმგვარად მიწოდებას, რომ ეს მისთვის მისაღები და განხილვადი იყოს.
- საფინანსო ინსტიტუტთან/ინვესტორებთან/ფონდებთან განგრძობითი ურთერთობა დამკვეთის ნაცვლად – ბიზნესს დაფინანსების გამცემ მხარესთან ურთიერთობა სჭირდება განგრძობითად, იქნება ეს სასესხო თუ სხვა პროდუქტების თვალსაზრისით, შესაბამისად ამ ურთიერთობას სჭირდება იმგვარად შენარჩუნება, რომ კომპანიას საჭიროებისამებრ შეეძლოს მისთვის სასურველ და აუცილებელ რესურსებზე წვდომა. Loialte-ს პროფესიონალი თანამშრომლები იზრუნებენ, რომ თქვენი ურთერთობა ბანკთან იყოს ხანგრძლივი და სამართლიანი. ამ უკენასკნელში იგულისხმება ის, რომ თუ გარკვეულ მომენტში მომსახურე საფინანსო ინსტიტუტის შემოთავაზება აღარ იქნება კონკურენტული ბაზარზე, ჩვენ უზრუნველვყოფთ ამის შესახებ კლიენტის ინფორმირებას და ალტერნატივების მოძიებას.
- კომპლექსური მხარდაჭერა – დაფინანსების მოძიება რთული და კომპლექსური საკითხია, რომელიც არამხოლოდ ფინანსირ, არამედ იურიდიულ, საგადასახადო და სხვა ტიპის ექსპერტიზას მოითხოვს. Loialte-ს პროფესიონალი გუნდი იზრუნებს, რომ მომსახურების პროცესშ ჩართლი იყოს ყველა ის ექსპერტი, რომლის მონაწილეობას მნიშვნელოვანი იქნება სასურველი შედეგის მისაღწევად.
ჩვენ გთავაზობთ დაფინანსების მოზიდვასთან დაკავშირებულ სრულ მომსახურებას, რომელიც საშუალებას გაძლევთ მიაღწიოთ თქვენს მიზნებს და განავითაროთ ბიზნესი გრძელვადიან პერსპექტივაში.
რა გამოგვარჩევს
- მრავალწლიანი გამოცდილება – ჩვენი გუნდი დაკომპლექტებულია პროფესიონალებისგან, რომელთაც აქვთ მუშაობის მრავალწლიანი გამოცდილება როგორც ადგილობრივ, ისე საერთაშორისო ბაზრებზე (მათ შორის წამყვან საფინანსო ინსტიტუტებში და ცენტრალურ ბანკში)
- კვალიფიკაციის მაღალი დონე – ყველა ჩვენი ფინანსური ექსპერტი ფლობს წამყვანი აკადემიური ინსტიტუტების პროფესიული კვალიფიკაციებს. ასევე, მნიშვნელოვან ყურადღებას ვუთმობთ ჩვენი გუნდის წევრების გადამზადებას, რათა ჩვენი მომსახურება ყოველთვის პასუხობდეს ფინანსების სფეროში არსებულ ტენდენციებს და სიახლეებს
- ინოვაციური მიდგომა – ჩვენ ვიყენებთ უახლეს ფინანსურ ინსტრუმენტებსა და ტექნოლოგიებს, რათა შევძლოთ პროცესების ოპტიმიზაცია და ავტომატიზაცია, რაც თავის მხრივ უფრო ოპერატიულს და ხელმისაწვდომს ხდის მომსაუხრებას ჩვენი მომხმარებლებისთვის
- პერსონალიზებული სერვისი – თითოეულ კლიენტს ინდივიდუალურად ვუდგებით, რათა უზრუნველვყოთ მათი ბიზნესის უნიკალური საჭიროებების დაკმაყოფილება
- კონფიდენციალურობის უმაღლესი ხარისხი – ჩვენი გუნდი უზრუნველყოფს მონაცემთა კონფიდენციალურობის დაცვას ადგილობრივი კანონმდებლობის და საერთაშორისო სტანდარტების შესაბამისად
- საერთაშორისო პროექტების გამოცდილება – ჩვენს პორტფელში არის მიმდინარე თუ წარმატებით დასრულებული მრავალი პროექტი როგორც საქართველოში, ისე მსოფლიოს სხვადასხვა ქვეყანაში (მათ შორის ცენტრალური აზიისა და ახლო აღმოსავლეთის ქვეყნებში)
სარგებელი თქვენი ბიზნესისთვის
- დამატებითი ფინანსები ბიზნესში – მთავარი სარგებელი, რასაც თქვენი ბიზნესი მიიღებს არის დამატებითი ფინანსები, რომელიც შეგიძლია მიმართოთ კომპანიის სწრაფი განვითარებისთვის იქნება ეს ლოკალურად თუ საერთაშორისო ბაზარზე
- ინვესტორების ნდობას – დაფინანსების გამცემი მხარე, იქნება ეს საფინანსო ინსტიტუტი, ინვესტორი თუ ფონდი უფრო მშვიდადაა და ნდობას გიცხადებთ, როცა პროცესში ჩართული გყავთ კვალიფიციური საკონსულტაციო კომპანია, რომელსაც მსგავს პროცესებში მონაწილეობის დიდი გამოცდილება აქვს
- საუკეთესო პირობები ფინანსურ რესურსზე – Loialte-ს პროფესიონალი ფინანსისტები ერთს მხრივ კონსულტაიას გაგიწევენ და თქვენვის შეარჩევენ ოპტიმალურ დაფინანსების ფორმას (იქნება ეს კაპიტალში ინვესტირება, სესხი თუ სხვა), ხოლო მეორე მხრივ იზრუნებენ, რომ ფინანსური სახსრების მოზიდვის პროცესში გათვალისწინებული იყოს თქვენი საუკეთესო ინტერესები
- დროისა და რესურსების დაზოგვა – პრიფესიონალი ფინანსისტების ჩართვით თქვენ ბევრად უფრო სწრაფად და კომფორტულად გადიხართ სრულ პროცესს, რაც მნიშვნელოვანია როგორც თქვენთვის, ასევე დაფინანსების გამცემი მეორე მხარისთვის
- სტრატეგიული ფინანსური კონსულტაციები – გარდა ფინანსების მოზიდვისა, ჩვენ დაგეხმარებით ოპტიმალურად განკარგოთ მოძიებული ფინანსური რესურსები და მიიღოთ მაქსიმალური სარგებელი.
ვის ვემსახურებით
მომსახურება განკუთვნილია სხვადასხვა ზომის და საქმიანობის ორგანიზაციებისთვის, მათ შორის:
- მცირე და საშუალო ბიზნესებისთვის – ფინანსური მხარდაჭერისთვის, ბიზნესის გაფართოების ან კონკრეტული პროექტების განხორციელებისთვის
- სტარტაპებისთვის – საწყისი კაპიტალის მოძიებისა ან/და ინვესტორების მოზიდვისთვის
- სამშენებლო დეველოპერებისა და წარმოების კომპანიებისთვის – მასშტაბური, გრძელვადიანი პროექტების დაფინანსებისთვის
- საერთაშორისო კომპანიებისთვის – ადგილობრივი ფინანსური შესაძლებლობების გამოყენებისთვის
- ინვესტორებისთვის და ფინანსური პარტნიორებისთვის – ხელსაყრელი ინვესტიციის შესაძლებლობების შეფასებისთვის
ჩვენი მიდგომა
- დიაგნოსტიკა – ჩვენ უზრუნველვყოფთ დამკვეთის ორგანიზაციული მიზნების შესწავლას, საჭიროებებისა და გამოწვევების იდენტიფიცირებას
- დამკვეთზე მორგებული გეგმა – დამკვეთის ორგანიზაციული საჭიროებების და სპეციფიკის შესაბამისად ვქმნით დაფინანსების მოძიების სტრატეგიას და დეტალურ სამოქმედო გეგმას
- მომსახურების მაღალი ხარისხი – ჩვენ გთავაზობთ თანმიმდევრულ, პროფესიონალურ მომსახურებას, რომელსაც ენდობა მრავალი მცირე, საშუალო თუ მსხვილი ორგანიზაცია როგორც საქართველოში, ისე მის ფარგლებს გარეთ
- პარტნიორობა – ჩვენ ვხდებით თქვენი გუნდის სანდო პარტნიორი, რომელიც ორიენტირებულია კონკრეტული მიზნების მიღწევაზე
- გამჭვირვალობა და ეთიკური სტანდარტები – ჩვენი საქმიანობა ეფუძნება ნდობასა და პასუხისმგებლობას
- მომსახურების უწყვეტი გაუმჯობესება – ჩვენ მუდმივად ვიღებთ უკუკავშირებს მომხმარებლებისგან, ასევე ვახორციელებთ ჩვენს სფეროში მიმდინარე სიახლეებისა და ტენდენციების მონიტორინგს, რათა ჩვენი სერვისები კიდევ უფრო დახვეწილი და დამკვეთების საჭიროებებზე მორგებული გავხადოთ
- მუდმივი მხარდაჭერა და რეპორტინგი – რეგულარული მხარდაჭერა როგორც ექსპერტული რჩევების, ისე კონკრეტულ პროცესებში ჩართულობის სახით, ასევე დამკვეთისთვის რეპორტინგის წარმოება სამუშაოების მიმდინარეობის შესახებ
დაგვიკავშირდით დღესვე და გაიგეთ მეტი იმ სარგებლის შესახებ, რასაც Loialte-სთან თანამშრომლობით მიიღებთ!